Listo de ĉiuj partoj ⇐ Al la antaŭa parto Al la posta parto ⇒
La bazan tekston origine enkomputiligis Flandra Esperanto-Ligo
Kreis la Esperantan tekston: diversaj personoj
Proksimuma verkojaro: 2012-2018
La artikoloj origine aperis en Monato: http://www.esperanto.be/fel/mon/.
La artikoloj havas ĉi tie "(xml:)id"-atributon ("monato-2012-010403" ĝis "monato-2018-012399"), kies cifera parto egalas al la jaro de publikigo kaj la numero de la artikolo.
Frumarte denove okazis surstrataj konfrontoj inter slavomakedonoj kaj albanomakedonoj en Skopje. Albanoj, kiel rimarkigis la politika analizisto Janusz Bugajski, estas daŭre traktataj en Makedonio kiel duarangaj civitanoj.
Notindas senlaboreco kaj socia diskriminacio, dum la buĝeto, same la reprezentiĝo de albanoj en publikaj institucioj, malproporcie favoras slavomakedonojn. La oficiala politiko de la lando nutras albanofobion, kiu sin montras ekzemple en stadionoj, kiam oni aŭdas, ke “bona albano estas ja mortinta albano”.
Plurfoje estis bastonitaj albanaj gelernantoj, ekzemple en januaro, kiam huliganoj atakis kvar 16-jarulojn albanajn en Skopje. La preteksto estis la nomumado de nova ministro pri defendado, la albandevena Telat Xhaferri. Tiam oni bruligis ankaŭ la albanan flagon, kaj kelkdeko da homoj estis vunditaj.
Manifestacie reagis albanoj, sed ilin kontraŭstaris anoj de la speciala polico. Protestis same la registaroj de Albanio kaj Kosovo kaj dekoj da albanaj asocioj tra la mondo.
Bardhyl Selimi