Listo de ĉiuj partoj ⇐ Al la antaŭa parto Al la posta parto ⇒
La bazan tekston origine enkomputiligis Vilhelmo Lutermano
Kreis la Esperantan tekston: diversaj personoj
La artikoloj estas ĉerpitaj el la TTT-ejo de Le Monde diplomatique en Esperanto: https://eo.mondediplo.com.
Proksimuma verkojaro: 2002-2004
Ligilo al la origina teksto en “Le Monde diplomatique en Esperanto”
Rezisti, tio estas diri ne. Ne al la malestimo. Ne al la aroganteco. Ne al la ekonomia pistado. Ne al la novaj mondmastroj. Ne al financaj potencoj. Ne al G8. Ne al la “vaŝingtona interkonsento”. Ne al totalisma merkato. Ne al integrisma komerclibereco. Ne al la dominado de la “pokero de l’ malbono” (Monda Banko, IMF, OKED, MOK)*. Ne al la hiperproduktismo. Ne al la genetike modifitaj organismoj. Ne al la permanentaj privatigoj. Ne al la nerezistebla etendado de la privata sektoro. Ne al ekskludado. Ne al seksismo. Ne al la sociala regreso. Ne al la malmuntado de la sociala asekuro. Ne al malriĉeco. Ne al la malegalecoj. Ne al forgeso de la Sudo. Ne al la ĉiutaga morto de 30.000 malriĉaj infanoj. Ne al la detruado de la medio. Ne al la milita hegemonio de unusola hiperpotenco. Ne al prevent-milito. Ne al invad-milito. Ne al terorismo. Ne al atencoj kontraŭ civilaj loĝantaroj. Ne al rasismoj. Ne al antisemitismo. Ne al islamofobio. Ne al totala sekurecismo. Ne al ĝeneraligita kontrolgardado. Ne al policigo de la pensado. Ne al kultura malaltigo. Ne al novaj cenzuroj. Ne al mensogaj komunikiloj. Ne al manipulantaj komunikiloj.
Rezisti, tio estas ankaŭ povi diri jes. Jes al la solidareco inter la 6 miliardoj da loĝantoj de nia planedo. Jes al la rajtoj de la virinoj. Jes al ekzisto de renovigita UN. Jes al nova marŝal-plano por helpi Afrikon. Jes al definitiva elradikigo de la analfabetismo. Jes al internacia ofensivo kontraŭ la cifereca breĉo. Jes al internacia moratorio por konservi la trinkakvon. Jes al esencaj medikamentoj por ĉiuj. Jes al decidaj agadoj kontraŭ aidoso. Jes al la protekto de minoritataj kulturoj. Jes al la rajtoj de la indiĝenoj. Jes al socia kaj ekonomia justeco. Jes al pli sociala kaj malpli komerca Eŭropo. Jes al la “interkonsento de Portalegro”. Jes al Tobina imposto por helpi la civitanojn. Jes al imposto pri armilvendoj. Jes al nuligo de la ŝuldoj de malriĉaj landoj. Jes al malpermeso de impost-paradizoj.
Rezisti, tio estas revi ke alia mondo eblas. Kaj kontribui al ĝia konstruado.
Ignacio RAMONET