Tekstaro de Esperanto

Parto de unu teksto en kolekto de Esperantaj tekstoj

Listo de ĉiuj partoj  ⇐ Al la antaŭa parto  Al la posta parto ⇒ 

Artikoloj el Monato

La bazan tekston origine enkomputiligis Flandra Esperanto-Ligo

Kreis la Esperantan tekston: diversaj personoj

La unuaj 216 artikoloj estas ĉerpitaj el la TTT-ejo de Monato: http://www.esperanto.be/fel/mon/. La postaj 1028 artikoloj devenas de la kolekto "monato3.tar.gz" enretigita de Edmundo Grimley-Evans: http://homepage.ntlworld.com/edmund.grimley-evans/tekstaroj.html.

La artikoloj el "monato3.tar.gz" estis en pluraj diversaj formoj, kaj devis esti sufiĉe multe prilaboritaj. Verŝajne ne ĉiam temas pri la definitiva formo, kiun la artikolo havis, kiam ĝi aperis en Monato. Povas eĉ esti, ke en iuj okazoj la artikolo finfine tute ne aperis en la gazeto. Iafoje povas esti, ke aperas ĉi tie tekstopartetoj, kiuj estis nuraj notoj inter la redaktantoj, kaj kiuj neniam estis intencitaj por publikigo. Ialoke testopartetoj estas forigitaj, kiuj ŝajne havis sencon nur kune kun (mankantaj) akompanaj diagramoj, bildoj aŭ tabeloj.

La artikoloj el "monato3.tar.gz" havas ĉi tie "(xml:)id"-atributon ("monatotri-001000" ĝis "monatotri-007999"), kies cifera parto egalas al la artikolnumero en la origina kolekto.

Proksimuma verkojaro: 1997-2003

Dividi en sekciojn

ML 2000 022

Elefanto en porcelanbutiko

Stefan Maul (MONATO, 2000/4, p. 5) tre trafe priskribis la nekonsekvencajn agojn, sintenon de EU, pri ĝiaj provoj bojkoti kaj izoli la demokrate elektitan registaron en Aŭstrio nur pro la faktoj ke Jörg Haider iam kaj tiam popolisme uzis malestimajn elparolojn pri certaj eksterlandanoj. La EU-ŝtatoj papage obeas la direktivojn el Bruselo. Mi volas emfazi jenajn diferencojn: se iu, ĉu korpe aŭ spirite, atakas homon pro lia aŭ ŝia deveno, egale ĉu landa ĉu rasa, tia ago estas sekvo de rasisma, faŝisma pensado. Sed, atentu, se iu akre kritikas la eksterlandanojn kiuj misuzas la restadon en la gastiganta lando por fari krimajn agojn, tia kritiko havas nenian ajn rilaton al rasisma aŭ faŝisma pensado. Tiom longe dum ekzistos nacioj, troviĝos gastigantoj respektive gastoj, kiel en familioj kie la gastigantoj havas la rajton postuli de la gastoj decan, bonordan konduton. Neniam ni toleru egalecon inter honestuloj kaj krimuloj! Neniu ŝtato povas senlime elspezi monon, egale ĉu al samlandanoj ĉu al azilpetantoj, ĉar ĉiu ŝtato devas ankaŭ enspezi, ekzemple per impostoj el produktiva laboro. Montriĝis ke la plej multaj azilpetantoj estas alvenintaj ne pro persekutado sed pro ekonomiaj motivoj, t.e. por plibonigi sian materian staton. En la kazo Aŭstrio, EU faras elefanton de kulo.

Bertil ENGLUND, Germanio