Tekstaro de Esperanto

Parto de unu teksto en kolekto de Esperantaj tekstoj

Listo de ĉiuj partoj  ⇐ Al la antaŭa parto  Al la posta parto ⇒ 

Artikoloj el Monato

La bazan tekston origine enkomputiligis Flandra Esperanto-Ligo

Kreis la Esperantan tekston: diversaj personoj

La unuaj 216 artikoloj estas ĉerpitaj el la TTT-ejo de Monato: http://www.esperanto.be/fel/mon/. La postaj 1028 artikoloj devenas de la kolekto "monato3.tar.gz" enretigita de Edmundo Grimley-Evans: http://homepage.ntlworld.com/edmund.grimley-evans/tekstaroj.html.

La artikoloj el "monato3.tar.gz" estis en pluraj diversaj formoj, kaj devis esti sufiĉe multe prilaboritaj. Verŝajne ne ĉiam temas pri la definitiva formo, kiun la artikolo havis, kiam ĝi aperis en Monato. Povas eĉ esti, ke en iuj okazoj la artikolo finfine tute ne aperis en la gazeto. Iafoje povas esti, ke aperas ĉi tie tekstopartetoj, kiuj estis nuraj notoj inter la redaktantoj, kaj kiuj neniam estis intencitaj por publikigo. Ialoke testopartetoj estas forigitaj, kiuj ŝajne havis sencon nur kune kun (mankantaj) akompanaj diagramoj, bildoj aŭ tabeloj.

La artikoloj el "monato3.tar.gz" havas ĉi tie "(xml:)id"-atributon ("monatotri-001000" ĝis "monatotri-007999"), kies cifera parto egalas al la artikolnumero en la origina kolekto.

Proksimuma verkojaro: 1997-2003

LITOVIO

Eŭkaristia kongreso: preĝo kaj dancoj

Post 66-jara paŭzo en Litovio estis organizita dua eŭkaristia kongreso, kiun partoprenis diversaĝaj kredantoj, monaĥoj, diversrangaj hierarkiuloj el Litovio kaj fremdaj landoj. Dum kvar tagoj ili komune preĝis kaj amuziĝis. Al la festo venis reprezentanto rajtigita de la papo, ĉefepiskopo kardinalo Vinko Puljic el Bosnio. La eŭkaristia kongreso iĝis la plej granda aranĝo en Litovio dediĉita al la 2000a datreveno de kristanismo.

Dum la kvar tagoj de la kongreso oni ne nur preĝis. Post la vendredo de plej fidelaj diaj servistoj, tiel nomataj laboristoj de la sinjora vinberejo, en la sporthalo de Kaunas polkojn kaj valsojn dancis monaĥoj kun monaĥinoj, junaj pastroj kun laikaj virinoj. Por la sabate okazanta Tago de infanoj kaj gejunuloj kunvenis pli ol 20 000 kongrespartoprenantoj.

La unua eŭkaristia kongreso

La unua eŭkaristia kongreso de Litovio okazis en la jaro 1934 en Kaunas; ĝin partoprenis ĉirkaŭ 100 000 personoj el Litovio kaj eksterlando. La duan kongreson oni intencis organizi en la jaro 1944; tamen pro komplikaj historiaj obstakloj la aranĝo ne okazis. Tiaj ĉi kongresoj, tiel ordinaraj por la landoj, kiuj ne suferis sovetan okupacion, komenciĝis en la franca urbo Avignon [avinjó] en la jaro 1874.

LAST

Ekleziaj hierarkiuloj preĝis kune kun junuloj

Polko de laboristoj de la sinjora vinberejo en sporthalo