Tekstaro de Esperanto

Parto de unu teksto en kolekto de Esperantaj tekstoj

Listo de ĉiuj partoj  ⇐ Al la antaŭa parto  Al la posta parto ⇒ 

Artikoloj el Monato

La bazan tekston origine enkomputiligis Flandra Esperanto-Ligo

Kreis la Esperantan tekston: diversaj personoj

La unuaj 216 artikoloj estas ĉerpitaj el la TTT-ejo de Monato: http://www.esperanto.be/fel/mon/. La postaj 1028 artikoloj devenas de la kolekto "monato3.tar.gz" enretigita de Edmundo Grimley-Evans: http://homepage.ntlworld.com/edmund.grimley-evans/tekstaroj.html.

La artikoloj el "monato3.tar.gz" estis en pluraj diversaj formoj, kaj devis esti sufiĉe multe prilaboritaj. Verŝajne ne ĉiam temas pri la definitiva formo, kiun la artikolo havis, kiam ĝi aperis en Monato. Povas eĉ esti, ke en iuj okazoj la artikolo finfine tute ne aperis en la gazeto. Iafoje povas esti, ke aperas ĉi tie tekstopartetoj, kiuj estis nuraj notoj inter la redaktantoj, kaj kiuj neniam estis intencitaj por publikigo. Ialoke testopartetoj estas forigitaj, kiuj ŝajne havis sencon nur kune kun (mankantaj) akompanaj diagramoj, bildoj aŭ tabeloj.

La artikoloj el "monato3.tar.gz" havas ĉi tie "(xml:)id"-atributon ("monatotri-001000" ĝis "monatotri-007999"), kies cifera parto egalas al la artikolnumero en la origina kolekto.

Proksimuma verkojaro: 1997-2003

Memmortiga senperforto

Respekti ĉiun vivon, dividi kun aliaj, aŭskulti por kompreni, konservi la planedon, flegi solidarecon estas certe noblaj tendencoj dignaj, eĉ devigaj por ĉiu civilizita homo. Tamen entute rifuzi perforton garantius la superregadon de la plej brutalaj perfortemuloj, kiuj primokas tian emon kaj profitas ĝin. Ĉu vere iu kredas ke oni povos konvinki tiajn homojn per virta ekzemplo kaj amikemaj vortoj? Pie belaj iluzioj ofte favoras la intencojn de potencavidaj sovaĝuloj, kiuj neniel interesiĝas pri paco aŭ harmonia kunvivado. Do, bonintencaj homaranoj devas konservi, flegi kaj estigi fortan kapablon por defendi energie vivon kaj bonfarton de tiuj, kiuj volas vivi pace, feliĉe kaj digne kun respekto por aliuloj. Belaj revoj estas tre ŝatindaj. Tamen ili neniel detruu la kapablon rekoni aspektojn de realo, nek la bonfarton de pacamaj mortidevuloj! Bona intenco sen sana prudento, nek konscio pri realeco, ne bonfartigos la homaron.

Werner SCHAD, Aŭstrio