Tekstaro de Esperanto

Parto de unu teksto en kolekto de Esperantaj tekstoj

Listo de ĉiuj partoj  ⇐ Al la antaŭa parto  Al la posta parto ⇒ 

Artikoloj el Monato

La bazan tekston origine enkomputiligis Flandra Esperanto-Ligo

Kreis la Esperantan tekston: diversaj personoj

La unuaj 216 artikoloj estas ĉerpitaj el la TTT-ejo de Monato: http://www.esperanto.be/fel/mon/. La postaj 1028 artikoloj devenas de la kolekto "monato3.tar.gz" enretigita de Edmundo Grimley-Evans: http://homepage.ntlworld.com/edmund.grimley-evans/tekstaroj.html.

La artikoloj el "monato3.tar.gz" estis en pluraj diversaj formoj, kaj devis esti sufiĉe multe prilaboritaj. Verŝajne ne ĉiam temas pri la definitiva formo, kiun la artikolo havis, kiam ĝi aperis en Monato. Povas eĉ esti, ke en iuj okazoj la artikolo finfine tute ne aperis en la gazeto. Iafoje povas esti, ke aperas ĉi tie tekstopartetoj, kiuj estis nuraj notoj inter la redaktantoj, kaj kiuj neniam estis intencitaj por publikigo. Ialoke testopartetoj estas forigitaj, kiuj ŝajne havis sencon nur kune kun (mankantaj) akompanaj diagramoj, bildoj aŭ tabeloj.

La artikoloj el "monato3.tar.gz" havas ĉi tie "(xml:)id"-atributon ("monatotri-001000" ĝis "monatotri-007999"), kies cifera parto egalas al la artikolnumero en la origina kolekto.

Proksimuma verkojaro: 1997-2003

EMERITIĜO

Pensoj pensiaj

Okazis fine de junio la unua fervojista striko en Aŭstrio ekde 35 jaroj. Inter la 11a kaj 12a horoj 250 trajnoj ne veturis kaj en Vieno funkciis publikaj trafikiloj nur ekde la 7a horo matene.

Fervojistoj protestis kontraŭ altigo de la pensio-aĝo. En Aŭstrio viro pensiuliĝas je 60 jaroj, virino je 55. Dum la lastaj jardekoj draste kreskis la nombro de pensiuloj. Nek la ŝtato nek la asekuraj kompanioj havas sufiĉe da mono por pagi tiom da pensioj. Tial la registaro decidis altigi la aĝojn je 18 monatoj. Protestis la fervojista sindikato. Obstinis la registaro. Sekvis striketo.

En Vieno forestis trafika fiasko. Matene oni vidis pli da biciklantoj ol kutime. Kelkaj eklaboris pli malfrue kaj kelkaj ope uzis aŭton. Traktadoj inter registaro kaj sindikato daŭras.

WALTER KLAG

Vienanoj devis rezigni pri tramoj dum la unua fervojista striko dum 35 jaroj.