Tekstaro de Esperanto

Parto de unu teksto en kolekto de Esperantaj tekstoj

Listo de ĉiuj partoj  ⇐ Al la antaŭa parto  Al la posta parto ⇒ 

Artikoloj el Monato

La bazan tekston origine enkomputiligis Flandra Esperanto-Ligo

Kreis la Esperantan tekston: diversaj personoj

La unuaj 216 artikoloj estas ĉerpitaj el la TTT-ejo de Monato: http://www.esperanto.be/fel/mon/. La postaj 1028 artikoloj devenas de la kolekto "monato3.tar.gz" enretigita de Edmundo Grimley-Evans: http://homepage.ntlworld.com/edmund.grimley-evans/tekstaroj.html.

La artikoloj el "monato3.tar.gz" estis en pluraj diversaj formoj, kaj devis esti sufiĉe multe prilaboritaj. Verŝajne ne ĉiam temas pri la definitiva formo, kiun la artikolo havis, kiam ĝi aperis en Monato. Povas eĉ esti, ke en iuj okazoj la artikolo finfine tute ne aperis en la gazeto. Iafoje povas esti, ke aperas ĉi tie tekstopartetoj, kiuj estis nuraj notoj inter la redaktantoj, kaj kiuj neniam estis intencitaj por publikigo. Ialoke testopartetoj estas forigitaj, kiuj ŝajne havis sencon nur kune kun (mankantaj) akompanaj diagramoj, bildoj aŭ tabeloj.

La artikoloj el "monato3.tar.gz" havas ĉi tie "(xml:)id"-atributon ("monatotri-001000" ĝis "monatotri-007999"), kies cifera parto egalas al la artikolnumero en la origina kolekto.

Proksimuma verkojaro: 1997-2003

Malbona ekzemplo

Werner Schad en artikolo “Opinio” (MONATO, 2000/7, p. 7) metis demandon: “Kial UN ne disponas soldataron similan al ekzemple la franca Fremdula Legio por protekti senkulpulojn?” Ĉu s-ro Schad bone konas la militaĵojn de tiu regimento? Kiam kaj kie tiuj senkompataj dungitaj soldatoj “protektis senkulpulojn aŭ savis viktimojn?” Ĉu en Vjetnamio? En Alĝerio? Aliloke? Mi volas kredi, ke tiuj vortoj ne estas duba ŝerco ... Li aldonas: “Ne mankas aventuremaj solduloj por partopreni tian legion.” Mi ne dubas pri tio, sed, mi petegas, ni serĉu alian solvon.

Jacques DOUDY, Francio