Tekstaro de Esperanto

Parto de unu teksto en kolekto de Esperantaj tekstoj

Listo de ĉiuj partoj  ⇐ Al la antaŭa parto  Al la posta parto ⇒ 

Artikoloj el Monato

La bazan tekston origine enkomputiligis Flandra Esperanto-Ligo

Kreis la Esperantan tekston: diversaj personoj

La unuaj 216 artikoloj estas ĉerpitaj el la TTT-ejo de Monato: http://www.esperanto.be/fel/mon/. La postaj 1028 artikoloj devenas de la kolekto "monato3.tar.gz" enretigita de Edmundo Grimley-Evans: http://homepage.ntlworld.com/edmund.grimley-evans/tekstaroj.html.

La artikoloj el "monato3.tar.gz" estis en pluraj diversaj formoj, kaj devis esti sufiĉe multe prilaboritaj. Verŝajne ne ĉiam temas pri la definitiva formo, kiun la artikolo havis, kiam ĝi aperis en Monato. Povas eĉ esti, ke en iuj okazoj la artikolo finfine tute ne aperis en la gazeto. Iafoje povas esti, ke aperas ĉi tie tekstopartetoj, kiuj estis nuraj notoj inter la redaktantoj, kaj kiuj neniam estis intencitaj por publikigo. Ialoke testopartetoj estas forigitaj, kiuj ŝajne havis sencon nur kune kun (mankantaj) akompanaj diagramoj, bildoj aŭ tabeloj.

La artikoloj el "monato3.tar.gz" havas ĉi tie "(xml:)id"-atributon ("monatotri-001000" ĝis "monatotri-007999"), kies cifera parto egalas al la artikolnumero en la origina kolekto.

Proksimuma verkojaro: 1997-2003

ĈINIO

Elektraj aparatoj mankas en la kamparo

Antaŭnelonge la ŝtata statistika buroo faris enketon pri la konsuma stato de la kamparo. La rezulto montras, ke en la ĉina kamparo la vendado de daŭremaj elektraj aparatoj estas tre limigita pro nesufiĉo kaj postresto de la fundamenta infrastrukturo.

La elektroprovizaj instalaĵoj en plejparto de la kamparaj regionoj estas malnovaj. Tie la prezo de elektra energio ĝenerale estas duoblo de tiu en urboj. Plie, en la kamparo la televida signalo estas tiel malforta, ke oni tute ne povas ricevi programon. Eĉ nun la duono de la kamparaj familioj ne havas la eblon uzi akvoprovizan servon. En tiuj cirkonstancoj kompreneble ne estas bezono je kolortelevidilo, lavmaŝino, fridujo, k.a.

En la kamparo (kun 234 milionoj da familioj) la latenta kapablo de ekspansio de la merkato estas multe pli granda ol en la urboj (kun nur 110 milionoj da familioj). En kamparo estas kolortelevidoj, lavmaŝinoj kaj fridujoj en respektive nur 32,5, 22,8 kaj 9,3 % de la familioj.

Por malfermi la kamparan merkaton, ekde la dua duonjaro de 2000 la ŝtato pliigas la investojn por infrastrukturo de la kamparo.

MU Binghua