Listo de ĉiuj partoj ⇐ Al la antaŭa parto Al la posta parto ⇒
La bazan tekston origine enkomputiligis Flandra Esperanto-Ligo
Kreis la Esperantan tekston: diversaj personoj
La unuaj 216 artikoloj estas ĉerpitaj el la TTT-ejo de Monato: http://www.esperanto.be/fel/mon/. La postaj 1028 artikoloj devenas de la kolekto "monato3.tar.gz" enretigita de Edmundo Grimley-Evans: http://homepage.ntlworld.com/edmund.grimley-evans/tekstaroj.html.
La artikoloj el "monato3.tar.gz" estis en pluraj diversaj formoj, kaj devis esti sufiĉe multe prilaboritaj. Verŝajne ne ĉiam temas pri la definitiva formo, kiun la artikolo havis, kiam ĝi aperis en Monato. Povas eĉ esti, ke en iuj okazoj la artikolo finfine tute ne aperis en la gazeto. Iafoje povas esti, ke aperas ĉi tie tekstopartetoj, kiuj estis nuraj notoj inter la redaktantoj, kaj kiuj neniam estis intencitaj por publikigo. Ialoke testopartetoj estas forigitaj, kiuj ŝajne havis sencon nur kune kun (mankantaj) akompanaj diagramoj, bildoj aŭ tabeloj.
La artikoloj el "monato3.tar.gz" havas ĉi tie "(xml:)id"-atributon ("monatotri-001000" ĝis "monatotri-007999"), kies cifera parto egalas al la artikolnumero en la origina kolekto.
Proksimuma verkojaro: 1997-2003
La aŭstrian parlamentejon sur Viena Ringstrato oni nomas ankaŭ Alta Domo.
Ĝi estas konstruita en 1880 laŭ la stilo de greka templo. Nun preterpasantoj povas admiri sur ĝi pli alte situantan dometon, kiu aspektas porinfana ludejo. Fakte en ĝi oni renovigas bronzan kvadrigon, kiu — kiel la aliaj sep — aĝas jam 120 jarojn. La dometo protektas la restaŭristojn kontraŭ vento kaj malvarmo. Unue oni planis fortransporti la metalan kaleŝon kaj la kvar ĉevalojn, sed en tiu kazo la artaĵo verŝajne disrompiĝus.
WALTER KLAG