Tekstaro de Esperanto

Parto de unu teksto en kolekto de Esperantaj tekstoj

Listo de ĉiuj partoj  ⇐ Al la antaŭa parto  Al la posta parto ⇒ 

Artikoloj el Monato

La bazan tekston origine enkomputiligis Flandra Esperanto-Ligo

Kreis la Esperantan tekston: diversaj personoj

La unuaj 216 artikoloj estas ĉerpitaj el la TTT-ejo de Monato: http://www.esperanto.be/fel/mon/. La postaj 1028 artikoloj devenas de la kolekto "monato3.tar.gz" enretigita de Edmundo Grimley-Evans: http://homepage.ntlworld.com/edmund.grimley-evans/tekstaroj.html.

La artikoloj el "monato3.tar.gz" estis en pluraj diversaj formoj, kaj devis esti sufiĉe multe prilaboritaj. Verŝajne ne ĉiam temas pri la definitiva formo, kiun la artikolo havis, kiam ĝi aperis en Monato. Povas eĉ esti, ke en iuj okazoj la artikolo finfine tute ne aperis en la gazeto. Iafoje povas esti, ke aperas ĉi tie tekstopartetoj, kiuj estis nuraj notoj inter la redaktantoj, kaj kiuj neniam estis intencitaj por publikigo. Ialoke testopartetoj estas forigitaj, kiuj ŝajne havis sencon nur kune kun (mankantaj) akompanaj diagramoj, bildoj aŭ tabeloj.

La artikoloj el "monato3.tar.gz" havas ĉi tie "(xml:)id"-atributon ("monatotri-001000" ĝis "monatotri-007999"), kies cifera parto egalas al la artikolnumero en la origina kolekto.

Proksimuma verkojaro: 1997-2003

Dividi en sekciojn

LITOVIO

Venkintoj malvenkas

Venkis en parlamentaj elektoj en Litovio socialdemokrata koalicio de eksa prezidanto Algirdas Brazauskas. La koalicio, konsistanta el kvar maldekstremaj partioj, gajnis en la nova parlamento 51 mandatojn. En dua loko gajnis 34 mandatojn Liberala Partio, en tria loko gajnis 29 mandatojn socialliberala Nova Unio. La konservativa Unio de Patrujo, la reginta partio de Vytautas Landsbergis, akiris nur naŭ mandatojn.

Tamen la rezulto ne ĝojigis Brazauskas-on, ĉar la partioj en dua kaj tria lokoj laŭmandate superas la koalicion kaj tiel povis formi novan registaron. Malvenkis la venkintoj, ĉar la prezidanto de Litovio, Valdas Adamkus, potencon liveris al la liberaluloj kaj socialliberaluloj. Antaŭvidata estas forta, reformema kabineto.

En la elektoj partoprenis 28 politikaj partioj el la 39 ekzistantaj. Elektiĝis laŭ proporcia principo 70 parlamentanoj: balotis 56,15 % de la rajtigitaj civitanoj.

LAST