Tekstaro de Esperanto

Parto de unu teksto en kolekto de Esperantaj tekstoj

Listo de ĉiuj partoj  ⇐ Al la antaŭa parto  Al la posta parto ⇒ 

Artikoloj el Monato

La bazan tekston origine enkomputiligis Flandra Esperanto-Ligo

Kreis la Esperantan tekston: diversaj personoj

La unuaj 216 artikoloj estas ĉerpitaj el la TTT-ejo de Monato: http://www.esperanto.be/fel/mon/. La postaj 1028 artikoloj devenas de la kolekto "monato3.tar.gz" enretigita de Edmundo Grimley-Evans: http://homepage.ntlworld.com/edmund.grimley-evans/tekstaroj.html.

La artikoloj el "monato3.tar.gz" estis en pluraj diversaj formoj, kaj devis esti sufiĉe multe prilaboritaj. Verŝajne ne ĉiam temas pri la definitiva formo, kiun la artikolo havis, kiam ĝi aperis en Monato. Povas eĉ esti, ke en iuj okazoj la artikolo finfine tute ne aperis en la gazeto. Iafoje povas esti, ke aperas ĉi tie tekstopartetoj, kiuj estis nuraj notoj inter la redaktantoj, kaj kiuj neniam estis intencitaj por publikigo. Ialoke testopartetoj estas forigitaj, kiuj ŝajne havis sencon nur kune kun (mankantaj) akompanaj diagramoj, bildoj aŭ tabeloj.

La artikoloj el "monato3.tar.gz" havas ĉi tie "(xml:)id"-atributon ("monatotri-001000" ĝis "monatotri-007999"), kies cifera parto egalas al la artikolnumero en la origina kolekto.

Proksimuma verkojaro: 1997-2003

Dividi en sekciojn

Morti miskomprene (2)

La unua kondiĉo por sekurigi alteriĝon kaj elteriĝon (MONATO, 2000/9, p. 5; 2000/10, p. 22) estas certigi ke neniam estu tro da aviadiloj, ĉu sur la kurejoj, ĉu en la ĉirkaŭa aerspaco. Komunikado inter turoj kaj pilotoj postulas tempon, kaj tiu tempo nepre devas esti disponebla. Ne sufiĉas kiel komunikilo eĉ la plej perfekta lingvo. Sed ekzistas multaj aliaj helpiloj uzendaj.

Ne stultas la nobelpremiitoj dirante ke la angla estas utila. Sed tia ĝi estas pro la nura fakto ke ĝi estas vaste komprenata. Samkondiĉe iu ajn lingvo estas utila.

Eĉ se Simono Pejno pravas pri la ĉefa fonto de la tenerifa eraro, ĉeestis lingva elemento apud la fizika (ĝenata komunikkanalo). La vorto “OK” ne devintus troviĝi en du malsamaj instrukcioj.

Finfine, kiom da bazaj instrukcioj estas? Probable ne pli ol dudek. Se tiel estas, kial ne alkroĉi numeron al ĉiu el ili?

Brendan MARRON, Nord-Irlando