Listo de ĉiuj partoj ⇐ Al la antaŭa parto Al la posta parto ⇒
La bazan tekston origine enkomputiligis Flandra Esperanto-Ligo
Kreis la Esperantan tekston: diversaj personoj
Proksimuma verkojaro: 2012-2018
La artikoloj origine aperis en Monato: http://www.esperanto.be/fel/mon/.
La artikoloj havas ĉi tie "(xml:)id"-atributon ("monato-2012-010403" ĝis "monato-2018-012399"), kies cifera parto egalas al la jaro de publikigo kaj la numero de la artikolo.
En sia respondo al la artikolo de Roberto Pigro pri la ortografiaj ŝanĝoj en Francio, Franz-Georg Rössler plendas pri la franca ministro pri klerigado Najat Vallaud-Belkacem (Monato 2016/11, p. 6). Li mencias ŝian nord-afrikan devenon, kvazaŭ tio mem pravigus lian nekoheran kritikon kontraŭ ŝi. Rössler demandas: “Ĉu vere Francio bezonas sinjorinon kun magreba fono por adapti sin al la moderna mondo?” La “sinjorino kun magreba fono” estas Vallaud-Belkacem, franca civitano naskiĝinta en Maroko.
S-ro Rössler opiniu, kion li volas, pri la lingva klerigad-politiko de sia najbarlando, sed la ĉi-supre citita rasismo ne havu lokon en magazino kiel Monato. La etna deveno de Vallaud-Belkacem neniel rilatas al la diskuto pri ortografio kaj lingvo-klerigado, do tia akra kaj ekstertema mencio de ŝia deveno servas nur kiel senvuala rasbazita atako. Estas ŝoke vidi ĉi tion en Esperantujo.
Nick Kalivoda
Usono