Listo de ĉiuj partoj ⇐ Al la antaŭa parto Al la posta parto ⇒
La bazan tekston origine enkomputiligis Flandra Esperanto-Ligo
Kreis la Esperantan tekston: diversaj personoj
Proksimuma verkojaro: 2012-2018
La artikoloj origine aperis en Monato: http://www.esperanto.be/fel/mon/.
La artikoloj havas ĉi tie "(xml:)id"-atributon ("monato-2012-010403" ĝis "monato-2018-012399"), kies cifera parto egalas al la jaro de publikigo kaj la numero de la artikolo.
Multaj germanoj studas medicinon en Aŭstrio, sed post la studado ili forlasas la landon kaj laboras kiel kuracistoj en aliaj landoj de Eŭropa Unio (EU). Tio kaŭzas altajn kostojn por la ŝtato.
Krome, junuloj el Aŭstrio ofte ne ricevas studlokon, ĉar estas multaj eksterlandaj studentoj. Tial Aŭstrio rezervas iom da lokoj (nuntempe eĉ 75 %) por abiturientoj de la propra lando. Oni rezervas 20 % por aliaj EU-civitanoj, kaj 5 % por studentoj el landoj ekster EU.
Tion kontraŭis instancoj de EU asertante, ke temas pri malobeo de la EU-juro. Post dek jaroj da diskutado la Komisiono de EU finfine akceptis la rezervokvantojn en majo 2017. Sed Aŭstrio devas sendi raporton pri tiu temo ĉiun kvinan jaron.
Por la studado de la dentkuraca medicino neniu kvoto plu validos ekde septembro 2019. Ĉiujare 150 abiturientoj komencas studi dentokuracadon, la studadon de la ĝenerala medicino komencas 1500 personoj.
Walter kaj Renate Klag
korespondantoj de Monato en Vieno
[FORIGITA!: bildo]
En la konstruaĵoj de la Ĝenerala Hospitalo en Vieno (1780) estas nun la medicina fakultato. Foto: WALTER KLAG