Listo de ĉiuj partoj ⇐ Al la antaŭa parto Al la posta parto ⇒
La bazan tekston origine enkomputiligis Rogener Pavinski
Proksimuma verkojaro: 2011-2019
Kreis la Esperantan tekston: diversaj personoj
La artikoloj origine aperis en Kontakto: http://kontakto.tejo.org.
http://radio.garden
Unu el la plej geniaj kaj magiaj retejoj, kiujn vi iam trovos.
Turnu la terglobon, elektu urbon, kontrolu la aktivajn radiostaciojn kaj aŭskultu muzikon kaj voĉojn de la tuta mondo.
Ĉu mi estis Pwned?*
https://haveibeenpwned.com
Tre ofte grandaj retaj servoj estas trafataj de retaj piratoj kaj personaj datumoj estas disvastigataj. Per tiu ĉi retejo vi povas kontroli ĉu viaj datumoj estis kompromititaj.
Tajpu vian reatdreson kaj rigardu ĉu ĝi troviĝas en iu el la datumlikoj.
* Pwned estas anglalingva interreta slango, kiu signifas ke oni estis humiligita fare de alia. Variaĵo de owned, sed pli ofenda.
Malnovaj Videoludoj
https://archive.org/details/softwarelibrary﹍msdos﹍games/v2
Ni ŝatas la plej modernajn kaj teknologiajn videoludojn, tio estas vero, sed ĉiu malnova ludo, kun sia polvkovrita plasta ujo, ankaŭ havas sian ĉarmon. Internet Archive disponigas kolekton kun 2,4 mil videoludoj de MS-DOS por ludi en Interreto, rekte en la navigilo. Ne necesas elŝuti aŭ instali ion ajn.