Tekstaro de Esperanto

Laŭ la semajngazeto US News and World Report (29-an de julio 2002), la anonco de la prezidanto Bush de tre alta rekompenco por tiuj, kiuj estos kaptintaj la gvidantojn de Al-Qaida “mortaj aŭ vivaj”, trafis en abunde da interesitaj oreloj. “Ondo da solduloj invadis Afganion kaj elmontras nun kapojn kaj orelojn por fanfaroni pri la sukceso.” La telekomunikaj firmaoj, spite al la frakaso de iliaj borsaj kurzoj, dediĉis 100 milionojn da dolaroj al tiu operaco de patriota partnereco.

Neniu el la oficiroj plej proksimaj al s-ro Ben Laden estas konsiderata kaptita aŭ mortigita. Kiam soldulo postulis de la Pentagono la pagon de 25 milionoj da dolaroj pro mortigo de Ayman Al-Zawahiri, supozata membro de la unua rondo de Al-Qaida, la usona ministro pri defendo postulis pruvon de tiu morto. La kapĉasisto sekve sendis la kapon de sia viktimo al Vaŝingtono. Post analizo, la Pentagono deklaris ke tiu kapo ne estas la ĝusta.

Le Monde diplomatique, septembro 2002, p. 14.