Tekstaro de Esperanto

“La kliento estas antaû ĉio fikciulo, argumento svingata de la entrepren-gvidantoj por ke oni obeu ilin, per ideo same simpla kiel efika: la subuloj akceptas pli la lingvaĵon de aganto kies identecon ili kundividas (en la urbo) ol tiun de ĉefo kontraûa al iliaj interesoj. (...)

Ĉar malfacilas kontesti la ideon ke necesas kontentigi la klienton (kun kiu, en la amas-entreprenoj, ĉiu laboristo povas identigi sin), la argumento de la “reĝo kliento” efikas ankaû kiel fonto de legitimeco por la reformoj aplikataj al la laboro, al ties organizado kaj al ĝiaj kondiĉoj. Kiam ili estas farataj en lia nomo, estas pli malfacile klarigi la eventualajn interes-konfliktojn inter organizaj agantoj. La celoj de kvalito, produktivo kaj kostmalaltigo estus sendube pli kontesteblaj kaj pridiskuteblaj se ili etus eldiritaj en la nomo de la intereso de la akciuloj. La samaj postuloj metitaj al la profito de la klientoj pasas senbrue: ritmoj, horaroj, komputiligo, privatigo, kontroloj, fleksiĝigo, kvalita kaj kvanta premo pri la taskoj... La konsumanto ludas tiam la rolon de “fina ĉefo”.

Tiu fenomeno estas aparte klara en la agadoj de “modernigo” de la publika servo farataj sub la flago de kontentigo de la uzanto (...). La neceso, fama pro esti absoluta, “kontentigi” lin, estas argumente regule uzata aparte dum sociaj konfliktoj por ĉesigi tiujn kiom eble plej rapide. La konsumanto kontribuas tiam al la laboro de perado en konfliktoj aû, ĉiukaze, al mildigo de iliaj esprimiĝoj (...).

La liveranto promesas al la konsumanto “kompletan kontentigon”, “senriproĉan kvaliton” kaj “absolutan sekurecon” (...). Nu, tiuj promesoj, kiom ajn sorĉaj, evidente ne plenumeblas. Aparte, la kliento ne estas vere traktata kiel reĝo; la kvalito de la servo povas eĉ videble malboniĝi en la momento en kiu li estas kvalifikita tia.”

Le Travail du consommateur [La laboro de la konsumanto], p. 168-169.

Steven Greenhouse: The Big Squeeze. Tough Times for the American Worker, Knopf, Novjorko, 2008, 384 paĝoj, 25,95 dolaroj;

Peter Gosselin: High Wire. The Precarious Financial Lives of American Families, Basic Books, Novjorko, 2008, 272 paĝoj, 28,95 dolaroj;

Satoshi Kamata: Toyota. L’usine du désespoir, Demopolis, Parizo, 2008, 264 paĝoj, 21 eûroj;

Roser Cussó, Anne Duresne, Corinne Gobin, Geoffroy Matagne kaj Jean-Louis Siroux (sub la dir. de): Le Conflit social éludé, Academia-Bruyland, Louvain-la-Neuve, 2008, 234 paĝoj, 28 eûroj;

Marie-Anne Dujarier: L’Idéal au travail, Presses universitaires de France, Parizo, 2006, 237 paĝoj, 25 eûroj;

Marie-Anne Dujarier: Le Travail du consommateur. De McDo à eBay: comment nous coproduisons ce que nous achetons, La Découverte, Parizo, 2008, 246 paĝoj, 18 eûroj;

Emmanuel Renault: Souffrances sociales. Philosophie, psychologie et politique, La Découverte, Parizo, 2008, 405 paĝoj, 26,50 eûroj.