Listo de ĉiuj partoj ⇐ Al la antaŭa parto Al la posta parto ⇒
La bazan tekston origine enkomputiligis Vilhelmo Lutermano
Kreis la Esperantan tekston: diversaj personoj
La artikoloj estas ĉerpitaj el la TTT-ejo de Le Monde diplomatique en Esperanto: https://eo.mondediplo.com.
Proksimuma verkojaro: 2014-2016
Ligilo al la origina teksto en “Le Monde diplomatique en Esperanto”
La kontrolkonsilantaro de Le Monde diplomatique S.A. reelektis, la 13-an de januaro 2014, por dua sesjara mandato, Serge Halimi kiel prezidanton de la direktejo de tiu eldonsocieto de Le Monde diplomatique kaj de Manière de voir [regulaj laŭtemaj kolektaĵoj de artikoloj aperintaj en la “Diplo”]*. La statuto de la societo dispozicias, ke la kontrolkonsilantaro povas decidi nur pri kandidato proponita de la Asocio Gunter Holzmann, kiu kune kun La Amikoj de Le Monde diplomatique estas la gardanto de la sendependeco de la gazeto, kaj en kiu membras la tuta personaro.
Dum sekreta voĉdonado, la 12-an de novembro 2013, la Ĝenerala Asembleo de tiu asocio nomumis Serge Halimi kiel sian kandidaton en la funkcio de prezidanto de la direktejo de la societo kaj kiel direktoro de publikado. La kontrolkonsilantaro de la asocio Amikoj de Le Monde diplomatique faris la saman decidon la 29-an de novembro 2013.
Laŭ propono de Serge Halimi, la kontrolkonsilantaro, prezidata de Louis Dreyfus, elektis por ses jaroj Vincent Caron, Bruno Lombard, Pierre Rimbert kaj Anne-Cécile Robert kiel membrojn de la direktejo de Le Monde diplomatique S.A..
La redaktejo de Le Monde diplomatique.