Listo de ĉiuj partoj ⇐ Al la antaŭa parto Al la posta parto ⇒
La bazan tekston origine enkomputiligis Vilhelmo Lutermano
Kreis la Esperantan tekston: diversaj personoj
La artikoloj estas ĉerpitaj el la TTT-ejo de Le Monde diplomatique en Esperanto: https://eo.mondediplo.com.
Proksimuma verkojaro: 2014-2016
Ligilo al la origina teksto en “Le Monde diplomatique en Esperanto”
La sekularaj politikaj kaj armeaj organizaĵoj, kiuj dominas la tre diversan kurdan spacon, ne prezentas la tuton de la politikaj tendencoj, kiuj trairas ĝin. En sia granda plimulto sunaismaj, tiuj loĝantaroj el hindo-eŭropa origino tute ne estas imunaj kontraŭ radikala islamismo kaj la ĝihadista alvokiteco.
En la iraka Kurdujo, la Halabja-regiono enhavis, ĝis la komenco de la 2000-aj jaroj, kurdajn ĝihadistajn armitajn grupojn, kiuj akceptis Abu Musab Al-Zarkaoui, la eksĉefon de Al-Kaido en Irako, forpasintan en 2006. La Fronto Al-Nosra, same kiel la Organizo de la Islama Ŝtato, enkalkulas sufiĉe grandan nombron da kurdaj batalantoj, inter kiuj troviĝas superaj oficiroj, kiuj partoprenas en la batalo de Kobane.
Aliflanke, la ĝihadistaj varbo-retoj en Turkujo ekzistas ankaŭ en la urboj, kies loĝantaro estas plejmulte kurda. Dum la sieĝo de Kobane, strat-bataloj alfrontigis la subtenantojn de la PLK al la membroj de la kurda islamisma tendenco. Kaze de instaliĝo en Turkujo de daŭra klimato de popolribela perforto, oni devus same timi la alfrontadon de la ribelantoj kontraŭ polico, kiel la perfortaĵojn inter kontraŭstarantaj kurdaj politikaj grupoj.
Allan KAVAL