Listo de ĉiuj partoj ⇐ Al la antaŭa parto Al la posta parto ⇒
La bazan tekston origine enkomputiligis Vilhelmo Lutermano
Kreis la Esperantan tekston: diversaj personoj
La artikoloj estas ĉerpitaj el la TTT-ejo de Le Monde diplomatique en Esperanto: https://eo.mondediplo.com.
Proksimuma verkojaro: 2014-2016
Ligilo al la origina teksto en “Le Monde diplomatique en Esperanto”
La Kuba Kvinopo el usonaj malliberejoj revenis al Kubo. Kubo kaj Usono starigas diplomatiajn rilatojn. Anonciĝas gravaj ŝanĝoj antaŭen al pli racia mondo.
Karaj amikoj de Le Monde diplomatique en Esperanto,
kiel vi certe jam scias, lastan merkredon, la 17-an de decembro 2014, okazis grava paŝo antaŭen al pli racia mondo.
La kvin kubaj kontraŭteroristoj (vidu malsupre) estis en Usono liberigitaj kaj revenis al Kubo, kie ili estis ĝoje akceptataj de la popolo kiel herooj. Kaj herooj ili ja vere estas, se entute tiu nocio havas sencon.
Nun komenciĝos oficialaj rilatoj inter Usono kaj Kubo, ĉar la prezidanto Obama koncedis, ke la pli ol kvindekjara krude malamika politiko de la usona registaro kontraŭ Kubo estis ne nur senfrukta, sed eĉ kontraŭa al siaj celoj.
Kompreneble tio ankoraŭ ne signifas, ke nun la usona blokado al Kubo estos komplete forigota, ke Usono redonos la havenon en la provinco Guantanamo al Kubo, ktp.
Sed tiuj ĉi unuaj paŝoj estas grava komenco por normaligi la rilatojn inter ŝtatoj, kiuj havas esence kontraŭajn socialajn, ekonomiajn kaj politikajn sistemojn.
Ĉar mi scias, ke multaj inter vi aktive kontribuis al tiu unua grava rezulto, mi sentas mian devon kaj emon kore gratuli vin pro la sukceso de via agado.
En la sekvaj semajnoj certe aperos en la retpaĝo de MAS, sed certe ankaŭ en tiu de Le Monde diplomatique en Esperanto analizoj pri tio.
Mi deziras al vi agrablajn jarfinajn festojn kaj belan salton en la novan jaron.
Kore,
Vilhelmo LUTERMANO.
Tiun ĉi libron la tradukinto dediĉas al Gerardo Hernández Nordelo, Ramón Labañino Salazar, Antonio Guerrero Rodríguez, Fernando González Llort kaj René González Sehwerert — la Kvin Kubanoj — aŭ la Kuba Kvinopo —, kiuj estis sin enŝovintaj en la teroristajn grupojn de Miamo, Usono, por neŭtraligi ilin. La Kvin sukcesis malhelpi cent sepdek atencojn kontraŭ Kubo per tio, ke ili ĝustatempe alarmis la instancojn en Havano. La kuba registaro informis tiam la usonajn instancojn kaj, en junio 1998, delegacio de la usona FBI vojaĝis al Kubo, kie ĝi ricevis kompletan dokumentaron pri la agadoj de la ekstremistoj de Miamo.“
Post konatiĝi kun la informoj kaj la nerefuteblaj pruvoj pri la kontraŭleĝaj kaj danĝeraj agadoj de tiuj grupoj, la FBI, anstataŭ agi kontraŭ tiuj krimuloj, arestigis la kvin informantojn, kiuj, riske de siaj vivoj, estis barintaj tiujn teroraĵojn. Ili estis en Miamo kondamnitaj al longaj jaroj de malliberejo, ekz-e Gerardo al pli ol duoble vivolonga malliberejo.
Pri tiu justicskandalo vidu en Esperanto Salim Lamrani (komp.): La terorismo de Usono kontraŭ Kubo; La Kuba Kvinopo (librofina librolisto n-ro 19).*
Kp ankaŭ Jean-Guy Allard: Teroristoj de Usono kontraŭ Latinameriko (librofina librolisto n-ro 94).*
En 2014, du el la kvin jam estis plenumintaj sian punon kaj revenintaj al Kubo.
Fine, post pli kaj pli intensa premo de nobelpremiitoj, de la papo, de neregistaraj organizaĵoj en kaj ekster Usono, kaj post serio da artikoloj en la influhava gazeto The New York Times pri Kubo kaj ankaŭ pri tiuj kvin kubanoj, la prezidantoj Barack Obama kaj Raúl Castro interkonsentis pri interŝanĝo de la restantaj tri kubanoj kun du usonaj spionoj kondamnitaj en Kubo. La 17-an de decembro 2014, tiuj tri, Gerardo, Antonio kaj Ramón revenis liberigitaj al Kubo, kie amasoj akceptis la Kuban Kvinopon kun granda ĝojo kaj kontentiĝo. Komentoj pri tio, de la kuba kaj usona prezidantoj, de la papo kaj de aliaj vidu en la retpaĝo de MAS.
La supre anoncitaj komentoj (kaj niaj analizoj) troviĝos kompreneble nur iom post iom en la retpaĝo de MAS, kaj plej baldaŭ ĉi tie en Le Monde diplomatique en Esperanto.
‣ vl