Listo de ĉiuj partoj ⇐ Al la antaŭa parto Al la posta parto ⇒
La bazan tekston origine enkomputiligis Vilhelmo Lutermano
Kreis la Esperantan tekston: diversaj personoj
La artikoloj estas ĉerpitaj el la TTT-ejo de Le Monde diplomatique en Esperanto: https://eo.mondediplo.com.
Proksimuma verkojaro: 2017-2019
Ligilo al la origina teksto en “Le Monde diplomatique en Esperanto”
El: Leteroj al la redaktejo, LMD 2018-05, p. 2
En Irako la ŝijaisma religia movado de la imamo Moqtada Al-Sadr alianciĝis kun la Iraka Komunista Partio vide al la parlament-elektoj de tiu ĉi majo. Miriga asociiĝo, analizas la libana franclingva ĵurnalo L‘Orient — Le Jour de la 16-a de aprilo: “Ĉar laika, la Iraka Komunista Partio estas plej malproksima de la konfesiaj konfliktoj kiuj dividas la irakan socion ekde la usona interveno en la jaro 2003. Kial do alianciĝi kun la sadr-istoj, kiuj en la pasinteco multfoje montris sian guston por interreligiaj disputoj.
La geedziĝo inter turbano kaj falĉileto estas malpli kontraŭnatura ol ĝi ŝajnas. Moqtada Al-Sadr estas hodiaŭ la plej naciista el ĉiuj ŝijaistaj milicoĉefoj en Irako, ĝisosta kontraŭanto al la usonaj kaj iranaj enmiksiĝoj. Per sia alianciĝo kun movado, kiu transiras la konfesiajn dividojn li celas emfazi la irakan nacion. Jen bona vojo por la elektoj, vide al la popolaj manifestacioj kiuj, ekde 2015, postulas la finon de la konfesia sistemo kaj de la korupto.